Marathi Vakprachar vakyat upyog-७५ वाक्प्रचार अर्थ आणि वाक्यात उपयोग

सर्वच स्पर्धा परीक्षेसाठी उपयुक्त Marathi Vakprachar vakyat upyog असणारे वाक्प्रचार आणि त्यांचे अर्थ  या ठिकाणी स्पष्ट करण्यात आले आहेत. त्याच सोबत प्रत्येक वाक्प्रचाराचा वाक्यात उपयोग ( वा.उ ) सुद्धा करून दाखवलेला आहे.वाक्प्रचार आणि वाक्यातील उपयोग वाचल्यामुळे नक्कीच त्या वाक्प्रचाराचा अर्थ आणखी स्पष्ट होईल आणि कायम साठी लक्षात राहील. 

सर्वसामान्य वाक्प्रचार अर्थ आणि वाक्यात उपयोग

वाक्प्रचार	अर्थ	वाक्य
अनर्थ गुदरणे	एकाएकी मोठे संकट येणे	लग्न सोहळा चालू असताना वादळाच्या रूपाने अनर्थ गुदरला.
अवदसा आठवणे	अविचाराने वागणे	परवाच्या कार्यक्रमात मला उगाचच अवदसा आठवली.
अव्हेर करणे	दूर लोटणे, दुर्लक्ष करणे	काही दिवसापासून माझा जवळचा मित्र मला अव्हेर करू लागला.
ऊत येणे	अतिरेक होणे	दररोज गावातल्या बागेत उनाड मुलांचा ऊत येतो.
उहापोह करणे	चर्चा करणे	वडिलांनी ताईच्या लग्नाबाबत काकांशी उहापोह केला.
कायापालट होणे	पूर्णपणे स्वरूप बदलणे	मागच्या वर्षी बदलून आलेल्या सरांनी शाळेचा कायापालट केला.
कास धरणे	एखाद्याचा आश्रय घेणे	आई वारलेल्या रामूने आता मामाची कास धरली.
काहूर माजणे	विचारांचा गोंधळ उडणे	महात्मा फुले यांचे ते पुस्तक वाचून माझ्या डोक्यात काहूर माजले.
गाळण उडणे	भीतीने गांगरून जाणे	दप्तरात पाल पाहून राधाची गाळण उडाली.
छाप पडणे	मनावर परिणाम होणे	सरांच्या भाषणाची माझ्यावर छाप पडली.
जगातून उठणे	बेअब्रू होणे	थोड्याशा चुकीच्या वागण्यामुळे रामू जगातून उठला.
जन्माचे सार्थक होणे	कार्य यशस्वी होणे	स्पर्धा परीक्षेत रामूने यश मिळवले यामुळे त्याच्या जन्माचे सार्थक झाले.
जन्माचे दारिद्र्य फिटणे	गरिबी नाहीशी होणे	रामूच्या नोकरी लागल्यामुळे काकूचे जन्माचे दारिद्र्य फिटले.
तडीस नेणे	यशस्वी रीतीने पूर्ण करणे	दिनेशने बारावीचा अभ्यास तडीस नेला.
दशा होणे	वाईट अवस्था होणे	शेजारच्या आजीची खूप दशा झाली आहे.
निभाव लागणे	टिकाव लागणे	फुटबॉलच्या मॅचमध्ये पुढच्या टीमचा निभाव लागला नाही.
ब्रम्हांड आठवणे	मोठे संकट येणे	आई आजारी पडल्यामुळे बाबाला ब्रम्हांड आठवले.
भगीरथ प्रयत्न करणे	चिकाटीचे प्रयत्न करणे	रामूने बारावी पास होण्यासाठी भगीरथ प्रयत्न केले.
भारून टाकणे	पूर्णपणे मोहून टाकणे	रस्त्यावरच्या गाणाऱ्याने आम्हाला भारून टाकले.
भुरळ पाडणे	आकर्षित करणे	बागेतील फुलांची मला भुरळ पडली.
रडकुंडीस येणे	अतिशय त्रास होणे	घराचे काम करताना बाबा रडकुंडीस आले.
राम म्हणणे	शेवट होणे किंवा मृत्यू येणे	शेजारच्या म्हातारीने काल राम म्हटले.
शर्थ करणे	पराकाष्ठा करणे	कालच्या मॅचमध्ये भारताने शर्थ केली आणि विजय मिळवला.
क्षिती न बाळगणे	पर्वा न करणे	नाटकात काम करण्यासाठी रामूने कुणाचीही क्षिती बाळगली नाही.

संपूर्ण वाक्प्रचार व अर्थ आणि वाक्यात उपयोग pdf डाउनलोड करा.

वस्तूच्या नावाचे वाक्प्रचार

वाक्प्रचार	अर्थ	वाक्य
सोने होणे	उत्तम स्थिती प्राप्त होणे	पुण्याला नोकरी लागल्यामुळे बाळूचे सोने झाले.
सुवर्णमध्य साधणे	तडजोड करणे	दोन भावांच्या भांडणात मामाने सुवर्णमध्य साधला.
राख होणे	पूर्णपणे नष्ट होणे	अमेरिकेच्या हल्ल्यात हिरोशिमा शहराची राख झाली.
मोट बांधणे	गोष्टींची जुळवाजुळव करून एकत्र आणणे	मामाने मोट बांधून घराचे काम पूर्ण केले.
मेख मारणे	विघ्न आणणे	रस्त्याच्या कामात शेजाऱ्यांनीच मेख मारली.
मुसळाला अंकुर फुटणे	अशक्य गोष्टी घडून येणे	शेजारचा बाळू बारावी पास झाला आणि मुसळाला अंकुर फुटले.
भोवऱ्यात सापडणे	अडचणीत येणे	ताईच्या आजारपणामुळे बाबा भोवऱ्यात सापडले.
मुसक्या बांधणे	करकचून पकडणे	पोलिसाने चोराच्या मुसक्या बांधल्या.
पैजेचा विडा उचलणे	प्रतिज्ञा करणे	शिवाजीला संपवण्याचा अफजलखानाने पैजेचा विडा उचलला.
बोळ्याने दूध पिणे	बुद्धिहीन असणे	आमच्या शेजारचा बाळू अजूनही बोळ्याने दूध पितो.
तलवार गाजवणे	पराक्रम करणे	पानिपतच्या लढाईत मराठ्यांनी तलवार गाजवली.
तळ ठोकणे	मुक्काम करणे	साताऱ्याचे बाबा पाच दिवसापासून तळ ठोकुन आहेत.
घोडे मारणे	नुकसान करणे	राम मला बोलत नाही: मी त्याला म्हणालो, “मी तुझे काय घोडे मारले ?”
घोडे पेंड खाणे	अडचण निर्माण होणे	चालू असलेल्या रस्त्याच्या कामात घोडे पेंड खाल्ले.
घर डोक्यावर घेणे	अतिशय थयथयाट करणे	रामूला पेन आणला नाही म्हणून त्याने घर डोक्यावर घेतले.
काडीमोड घेणे	संबंध तोडणे	खोटारड्या रामुशी मी काडीमोड घेतला.
अन्न अन्न करणे	खायला अन्न न मिळणे	चार दिवसापासून रस्त्याच्या पलीकडची म्हातारी अन्न अन्न करत होती.
आसमान ठेंगणे होणे	अतिशय आनंद होणे	स्पर्धा परीक्षा पास झाल्याने गणेशला आसमान ठेंगणे झाले.
गावी नसणे	माहिती नसणे	बाहेर पाऊस पडतोय हे बाबांच्या गावीही नाही.
पाणी दाखवणे	सामर्थ्य दाखवणे	कबड्डीच्या मैदानात छोट्याशा रामूने आपले पाणी दाखवले.
पाढा वाचणे	सविस्तर माहिती सांगणे	बाबा घरी आल्यावर मी रामूच्या तक्रारीचा पाढा वाचला.
मुळावर येणे	नाशास कारण होणे	राम दहावीला नापास झाला, त्याचा मित्र त्याच्या मुळावर आला.
अक्कल गुंग होणे	बुद्धी न चालणे	हिमालयाचे अतिविराट रूप पाहून माझी अक्कल गुंग झाली.

अवयवाच्या नावावरून वाक्प्रचार

वाक्प्रचार	अर्थ	वाक्य
कपाळ उठणे	त्रास होणे, डोके दुखणे	शेजारच्या भोंग्यामुळे बाबाचे कपाळ उठले.
उराशी बाळगणे	मनात ठेवणे	स्पर्धा परीक्षेत महाराष्ट्रातून प्रथम येण्याचे स्वप्न मी उराशी बाळगले आहे.
अंगावर घेणे	जबाबदारी स्वीकारणे	दादाने लग्नाचा संपूर्ण कार्यक्रम अंगावर घेतला.
अंगाचा तिळपापड होणे	अतिशय संताप येणे	परिक्षेला उशिरा आलेल्या रामूला पाहून गुरुजींच्या अंगाचा तिळपापड झाला.
नांगी टाकणे	हात पाय गाळणे	तळपत्या उन्हात मजुरांनी नांगी टाकली.
कपाळ फुटणे	दुर्दैव ओढवणे	गणेशच्या अपघाताने शेजारच्या काकूचे कपाळ फुटले.
छातीचा कोट करणे	जिद्दीने मुकाबला करणे	काका वारल्यावर काकूने छातीचा कोट करून मुलांना वाढवले.
कानाशी लागणे	चहाड्या करणे	शेजारची पूजा नेहमी माझ्याबद्दल सीमाच्या कानाशी लागते.
कान टोचणे	समजावून सांगणे	दादाने अभ्यासाबद्दल रामूचे कान टोचले.
चतुर्भुज होणे	लग्न करणे	मागच्या रविवारी राजू चतुर्भुज झाला.
तोंड टाकणे	अद्वातद्वा बोलणे	खिडकीला चेंडू लागल्यामुळे आजोबाने तोंड टाकले.
तोंड पूजा करणे	खोटी प्रशंसा करणे	रामू नेहमी गजाननची तोंड पूजा करतो.
तोंडाला पाणी सुटणे	लोभ उत्पन्न होणे	गळाला अडकवलेली भाकरी पाहून माशाच्या तोंडाला पाणी सुटले.
दाताच्या कण्या करणे	खूप समजावणे	रामूला बाबांनी अभ्यास करण्याविषयी दाताच्या कण्या केल्या.
दातखिळी बसणे	बोलणे अवघड होणे	नवरा-बायकोच्या भांडणात शेजार्‍याची दातखिळी बसली.
दाती तृण धरणे	शरणागती पत्करणे	मागील क्रिकेटच्या मॅचमध्ये ऑस्ट्रेलियाने दाती तृण धरले.
पाठीचे धिरडे करणे	खूप मारणे	अभ्यास केला नाही म्हणून मामाने माझ्या पाठीचे धिरडे केले.
पोटात शिरणे	मर्जी संपादन करणे	महिन्याभरापूर्वी आलेला रामू बाबाच्या पोटात शिरला.
पोटात घालणे	क्षमा करणे	शेजारच्या रामूने बाळाला मारले तरीही बाबाने त्याला पोटात घातले.
पित्त खवळणे	खूप राग येणे किंवा रागावणे	पांगवलेला पसारा पाहून आईचे पित्त खवळले.
मुठीत ठेवणे	ताब्यात ठेवणे	नवीनच आलेल्या वहिनीने दादाला मुठीत ठेवले आहे.
मूठमाती देणे	अंत्यक्रिया उरकणे	बाहेर गावी वारलेल्या पाहुण्यांना तेथेच मूठमाती दिली.
मूठ दाबणे	लाच देणे	आज-काल प्रत्येक कार्यालयात मुठ दाबूनच काम करतात.
रक्ताचे पाणी करणे	अतिशय मेहनत करणे	स्पर्धा परीक्षा पास होण्यासाठी मुले रक्ताचे पाणी करतात.

हे वाचा –मराठी भाषेतील ७५ म्हणी आणि त्यांचे अर्थ.